Novo vídeo de Yago Baz coas imaxes da sesión do Pedrido na compaña dos seus amigos e que mostra a beleza desta onda que non ten comparación. Ondas interminabeis que converten este spot nun paraiso para o Loggin. Moitas grazas a Yago por compartir este vídeo!

Despois de varias semana sen ondas por fin estamos a ter boas sesións e novas fotos polas Redes Sociais e nos blogs máis importantes da nosa costa como estas publicadas por Yago Baz no seu blog co resumo da súa sesión no Pedrido a pasada fin de semana. A onda máis longa de Galiza ofreceu unha boa sesión aos afortunados riders que optaron por este spot pra surfear como podedes ver nestas fotos feitas por Arantza.

Novo vídeo do Onda Longa 2014 que mostra o punto de vista de Yago Baz, un dos organizadores do evento e tamén gran noserider galego, deste fantástico festivald e longboard que sucede no Pedrido cando chegan as grandes marexadas.

Excelente vídeo resumo con todos os riders do Onda Longa 2014 gravado por Andrés Camacho e Marcelo Muiño na praia de Ponte Pedrido o pasado día 8 de Novembro.

Xa está na Rede o primeiro vídeo con imaxes do Onda Longa 2014 que recolle as primeiras horas do evento e algunhas imaxes de longboard no Pedrido. Vídeo de Foam TV. Seguiremos informando...

Este pasado sábado tivo lugar na praia de Ponte Pedrido no Concello de Bergondo a quinta edición do festival Onda Longa organizado polos Galegos Asociados polo Longboard cunha grande afluencia de público e riders participantes que non se quixeron perder esta cita clásica no panorama do longboard galego. O día comezou moi gris e con choiva constante pero con bastante xente e furgonetas no parking. Pouco a pouco foron chegando os riders e ían facendo o checking na carpa principal. Foto principal: Sebastian Agis.

A primeira hora realizouse unha recollida e limpeza de praia co apoio de Coge3. Perto das doce fixemos a foto de familia na que non estaban todos xa que algún chegaron un pouco máis tarde. Este ano batiuse o record de participación superando os 140 riders. A entrada na onda e a remontada foi épica cunha duración de case 25 minutos até chegar o pico. Logo na auga todo foron risas e bo ambiente. Moitos disfraces peculiares como o de Rubén Prieto e Oti Fernández que destacaron entre a multitude.

Habemus Ondalonga este sábado na praia de Ponte Pedrido no Concello de Bergondo.

Máis dun cento de riders van asistir a este evento. Ide preparando a parafina e sacando os nove pés das funda que vai comezar o festival.

Horarios do Sábado:

10.30 CHEKING LIMPEZA DE PRAIA POR COGE3
12.00 FOTO DE GRUPO E ENTRADA Á AUGA

FINALIZADA A SESION FIOLLADA E ENTREGA DE VOTOS

19:00 ENTREGA DE PREMIOS NO MESON "O PEDRIDO"
21.00 CEA
23.00 CONCERTAZO DE "ALFEIZAR" GRANDIOSO GRUPO DE MUSICA LIRICA COMARCAL

Non vos olvidedes do voso disfraz, camiseta, atuendo distintivo...

Esto É ONDALONGA V PARTE

Presentámosvos o documental sobre o Festival Ondalonga 2013 realizado por Jesús Busto e que xusto coincide coa convocatoria para esta fin de semana. A millor maneira de quentar motores pra prepararnos para as ondas que se aveciñan. Este documental recolle as millores imaxes e momentos do ano pasado. Un gran traballo dun gran amigo.

O Festival OndaLonga anunciou a semana pasada que xa tiñán 117 riders inscritos para este evento de longboard que xa está en periodo de espera.

Este ano van superar o record de inscritos de anos pasados e deste xeito mostrar a boa saude deste festival para os amantes do nose rider que xa está consolidado como un dos millores eventos de long de Europa. Este mes teñen a convocatoria aberta para a vindeira fin de semana 8 e 9 e tamén os días 22 e 23.

Estade atentos se queredes asistir á sesión de longboard máis longa da nosa costa.

Ben Skinner proclamouse o novo 'King of the Longboard' na praia Cántabra de Somo nunha nova modalidade de competición Performance e Clásico. Excelentes condicións de ondas e bo tempo axudaron ao equipo organizador da Escuela Cántabra de Surf. Este evento ASP é a primeira vez que ten lugar e esperamos que se repita e conte con riders galegos nas vindeiras edicións.