Paddle Sesións de Paddle Sesións Galegas de Sean Poynter
Sesións Galegas de Sean Poynter
Luns, 19 Novembro 2012 00:00

Execelente vídeo de Sean Poynter nas aguas da nosa costa da man de Waira, Silfocamps e Beachescolas. No vídeo podedes ver as boas ondas que tiveron e a destreza deste rider con e sen remo, lider mundial de Santd up Paddle en modalidade surf. Fonte da nova: SupGz

Oe Sean, como viches o día?: "Tricky but fun", contestou. E é que tiñamos a Sean Poynter en Galicia nun acto promocional de Starboard e non podiamos deixar escapar a ocasión. E así o fixemos. A xente de Waira, coa colaboración de Silfo Surfcamp e o Concello de Malpica, organizaron unha xornada de surf, na que ademais puidemos probar a gama de paddle-surf Prol Starboard, así como as novas táboas de surf da marca.

Sean Poynter en Patos

Malpica acolleunos cun mar un pouco máis revolto do esperado, aínda tocado polo vento dos días anteriores e con máis corrente do normal, o que o facía algo incómodo para o SUP. Pero o día tamén nos regalou unha derechaza longa e potente na que Sean Poynter deixounos coa boca aberta en máis dunha ocasión; e unha esquerda máis que aproveitable a pesar da corrente, onde o campión mostrou o seu potente estilo no backside. Dous bañazos na Costa da Morte, surf mañanceiro e paddle pola tarde. Un tamaño xeneroso na serie e unhas condicións complicadas pero moi divertidas.

En definitiva, gozamos dun gran día de convivencia e surf no que Sexan Poynter demostrou que un campión o é en calquera circunstancia e os demais fixemos o que puidemos, xa que é difícil remar e aplaudir á vez.

Sean aínda compartiu outro día de surf connosco en Galicia e logo deixounos para ir preparar o próximo campionato de SUP-surf en Brasil, onde ten serias posibilidades de proclamarse campión do mundo da disciplina e para o que lle desexamos a mellor das sortes.

Texto: Marta Waira

Tedes máis info e fotos en:

http://www.supgz.com/spots/2012-11-13-patos-sean-poynter/

 
5 Votes


Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia pola Rede. Levamos traballando dende 2008 e levamos máis de 4.000 novas publicadas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: