Eiquí tedes unha foto dun dos mellores e máis activos surfeiros e fotógrafos galegos, Daniel Almeida. Esta foto tomouna Anahí e demostra que pra sacar boas fotos de surfing tes que ser bo surfeiro e saber vivir no mar.

Recollemos un artigo publico en NaturalSurfing.com sobre unha expedición feita por eles estes días na costa na Mariña. Ficaron impresionados da calidade das ondas, da soidade das paixases e da boa comida. Seica o seu obxetivo era chegar ata a Machacona onde fotografiaron a Estitxu e outros locais un día de sol e condicións perfectas como podedes mirar nas fotos.

Estes días veñen máis ondas directamente dende o Atlántico norte. É un bo momento pra sacar os noso pinchos, guns e longueiróns pra saír a mar aberto na procura deses picos que soamente rompen uns poucos días ao ano.

Esta imaxe é a previsión de ondas pra o domingo 25 as 12:00. Tedes toda a secuencia do que vai vir na páxina de Previsión de Ondas do Atlántico Norte

Boas Ondas!

Estes días de forte vento e mar a blogoesfera surfeira galega non para de publicar fotos nos seus blogs das ondas que alcanzan praias e costa dun xeito impresionante.

Podedes mirar unha foto da praia da Lapa desfasada no blog dos mecos Ogrobesurfing.blogspot.com premendo nesta ligazón. No blog de Begofouz tedes unha boa galería fotográfica do Orzán desfasado.

Dende o blog de Surf na Costa da Morte chegan estas imaxes da xente de Viveiro na augas de Indonesia o ano pasado. No artigo orixinal podedes ler a crónica da viaxe e da súa estancia no barco de King Millenium.

Confírmanse as boas previsións e esta vai ser unha boa semana de surf. O windguru da ondas de 8 a 10 metros para estes días! Na imaxe podedes var a previsión actual do FNMOC

 Dende o blog Surfing Life by Dani chegan estas impresionantes fotos dunha das mellores ondas da nosa costa e ben querida por moitos, do mesmo xeito que os bocatas de calamares que podes tomar no bar que leva o mesmo nome que un dos picos da praia. Grazas a Dani por compartir estas fotos! 

Dende o blog do Patos Surf Clube chega a nova de que este luns 12 de xaneiro retransmitirase no programa da TVG "Acompáñenos" unha entrevista a Gony Zubizarreta, un dos maiores expoñentes do surf galego.

Despois dunha semana de chamamentos en diferentes blogs e webs surfeiras xa está localizada a táboa do noso shaper blogueiro Chusma. NORABOA!

Eiquí tedes o video da TVG da cuarta edición do evento organizado pola Prado Surf Escola na praia de Patos celebrado o pasado 24 de decembro. O link soamente funciona no Internet Explorer de Microsoft.

Preme na imaxe e vai o web da TVG pra miralo.

Noticia relacionada: Festa do Nadal en Patos