Acabouse o XXI Movistar ONeill Pantín Classic e o brasileiro Willian Cardoso adxudicouse unha das edicións máis espectaculares dos últimos anos. Espectacular pola potencia, altura e beleza das ondas, sen esquecer a calidade que foron capaces de pór os riders presentes en Pantín, que será recordado non só por todo isto, senón por ser a mellor proba de todo o circuíto de Europa de 2008. Nin sequera as probas de 6* estrelas superaron o que puidemos ver en Pantín. Cardoso levou o título masculino e a arxentina Ornella Pellizzari o Pantín Classic ASP 3* Estrelas WQS feminino. Broche de ouro, día de sol e o Surf de maior calidade no que se puido ver durante todo o circuíto europeo da ASP este ano.

A fin de semana do 29 ao 31 de agosto terá lugar o Campionato Galego Caixa Galicia de surf, bodyboard e longboard individual e por equipos na praia de Soesto (Laxe). As inscripciones xa están abertas. Recorda que o xoves 28 ata as 13:00 horas é o último día para facer a inscripción e o pago mediante ingreso ou transferencia bancaria. O día do campionato non é posible federarse, nin inscribirse, nin facer os pagos correspondentes. ¡Se queres competir inscríbete xa!

A praia de Esteiro, en Xove, é unha das preferidas polos surfeiros da comarca e doutros puntos de España, que veñen ata alí para practicar este deporte.

Cóntanos que estaba surfeando na auga cando os oíu gritar pedindo socorro. Foi achegándose a eles (calcula que estaban a uns cen metros da beira) e ao chegarse atopouse con que un non sabían case nadar e que o mar seguía arrastrándoos. «Ou primeiro que fixen ó chegar alí foi agarrar ó que estaba máis gordiño e subilo á táboa. Logo mandei á terra en body a unha dás rapazas e á outra deixeina agarrada na táboa. Nese momento dixéronme que había outro non fondo; entón xa me tirei por el _estaba mal, con ollos brancos e babeando, debía ter aga espesa non corpo_ engancheino polos brazos, subino e ateino á táboa para teo máis seguro. Ó outro mandeille agarrarse tamén e pouco a pouco funos achegando á beira», explicou.

O maior evento do surfing galego vai ter lugar na praia de Valdoviño do día 2 ao 7 de Setembro. Este acto organizado polo Oceano Surf Clube de Ferrol ten 5 estrelas no WQS, as series de calificación mundial que dan o pase ao campionato mundial WCT o vindeiro ano. Dende surfGZ desexámoslles boas ondas e un bo campionato!

Lamentamos comunicarvos que unha vez consultada a previsión meteorolóxica, vémonos obrigados a aprazar a proba prevista para este fin de semana en Os Castros (Ribadeo) dado que todas as previsións apuntan a que non haberá as condicións necesarias para a práctica do surf. A nova data prevista para este evento é 20 e 21 de setembro.

Xa hai datas do Circuito Galego Caixa Galicia 2008, un circuito con moitas novidades, a máis importante é que está formado polo Circuito Galego de Surf Open, o Circuito Galego de Bodyboard Open e polo Circuito Galego Caixa Galicia infantil e xuvenil, todos eles en categorías masculino e feminino.

Os campionatos open contarán cun sistema informático de puntuación e os campionatos serán de 1 a 3 estrelas, con puntuacións diferentes; ademáis dun deseño único de trofeo para os campións, probas en novas praias e premios en metálico o remate do Circuito. Inscriccións gratuitas para equipos de clubes no circuito infantil e xuvenil.

GZ (Gony Zubizarreta) continúa facendo historia e levando o surf galego ao máis alto nivel internacional. Segundo informábanos hoxe luns o noso patrocinador e colaborador oficial Island Style, Gony acaba de conseguir dous 9º postos consecutivos no WQS 6 estrelas de Xapón e no 5 estrelas de Inglaterra afianzando así a súa mellor tempada ata a data e o que é, por suposto, a mellor tempada xamais realizada por un surfista galego.