Velaquí tedes o vídeo oficial do segundo día de competición na Frouxeira e que rematou coa victoria da selección galega a nivel autonómico grazas aos bos resultados combinados de todos os surfeiros e surfeiras da nosa terra. Debaixo tedes o resumo do terceiro día de competición.

A selección galega impúxose nunha apretadísima final sobre a segunda clasificada por tan só 210 puntos. O campionato de seleccións autonómicas foi un dos máis disputados que se lembra. Ata a última manga, a final de surf sub 14 masculina, non estaba nada decidido. A selección cántabra, a canaria e a galega pelexaron ata o último minuto por levar o cetro nacional.

A última eliminatoria da xornada disputouse cunhas condicións moi difíciles onde a responsabilidade do título recaeu sobre os ombreiros dos máis novos do campionato. Finalmente, sería o mozo Manuel Fernández quen lle daría o título ao combinado galego coa súa terceira posición na manga final. Os seguintes postos completáronos: a selección canaria, (12.870), a selección cántabra terceira (12.555 puntos), a selección asturiana cuarta (10.820), a selección andaluza quinta (8.265), a selección catalá (6.075) e a selección murciana sexta (4.875).

A nosa selección!

Resumo do acontecido no primeiro día de competición na praia da Frouxeira, en Ferrolterra, polo título do Campionato FES 2018.

Volve á praia de Patos una das mellores actividades do ano o PATOS  SURFING  DAY 2018. Este ano ten como principal novidade a organización do evento por todas as escolas da praia: Prado Surf, Patos Surf, La Conservera del sur, Point Break e Txoko Surf.

Se sempre quixeches facer surf e non te atreviches, tes curiosidade de sentir como é deslizarse polo mar, esta é a túa oportunidade. Por só 5€ non te podes perder este día. Para todas as idades (desde os 6 ata os 70 anos) curso de surf con todo incluído, grellada, xogos con premios para todos, ioga, música, test de táboas, etc... as prazas son MOI LIMITADAS e só reservásese por orde de inscrición. Non te perdas esta xornada de portas abertas das escolas de Patos.

Por razóns ambientais a Federación Española de Surfing decide cambiar a localización do Campionato de España de Surfing da praia de Doniños á praia da Frouxeira. As praias da Costa de Ferrolterra supoñen un dos hábitats de maior importancia de Galicia, e en especial a praia de Doniños.

O surfeiro canario Yael Peña impúxose en categoría masculina e achégase ás primeiras posicións do ránking FES xeral. En categoría feminina, a moza Sara Urresti consegue a segunda vitoria consecutiva e afiánzase no liderado. O "II  Open de Surf Esteiro", celebrado na localidade lucense de Xove, coroou aos vencedores da terceira proba de LaLigaFESURFING nunha xornada onde a competitividade e o bo surf foron os protagonistas.