En base ao parte meteorolóxico para o próximo fin de semana, a organización do campionato decidiu abrir o período de espera á seguinte data proposta (29-30 decembro). O prazo de inscrición para os participantes queda aberto ata o vindeiro mércores 27 de decembro ata as 17:59, onde se enviará a todos os participantes o itinerario do evento. En caso de existir malas condicións de novo aprazarase ao seguinte e último fin de semana proposto (6-7 de xaneiro).

O mellor surfeiro galego de todos os tempos, e actualmente o mellor nacional e subcampión europeo WSL, volve á súa praia como cada ano para celebrar o Gony Z Series. Trátase dun divertido evento aberto para todos os surfeiros e totalmente gratuíto. A idea é gozar xunto a Gony Zubizarreta de toda a súa experiencia e compañía. Nesta terceira edición chega a consolidación con considerables cambios e teremos tres categorías e moitos premios.

Xa tedes online o novo vídeo oficial da Federación Galega de Surf coas imaxes do Campionato de Bodyboard na praia da Lanzada o pasado primeiro de Outubro.

Martina Álvarez, a nova promesa do surf galego, proclamouse campiona de surf Luso Galaica 2017 este pasado domingo na praia do Cabedelo, en Viana do Castelo. Este excelente resultado da ferrolá está acompañado do segundo posto de Cristina Rey e terceiro de Alba Love. A surfeira portuguesa Raquel Vale, do Surf Clube Viana, completou o podio.

Velaquí tedes as primeiras fotos do II Rufo's Tribute celebrado onte na praia do Orzán grazas a Quique Otero Seijo que estivo presente nesta homenaxe aos pioneiros do surf na cidade da Coruña. Moita asistencia de surfeiros e pranchas antigas na area, música, amizade moi bo ambiente nun evento diferente e especial grazas á excente organización de Lobos de Mar Surf Club.

G

De novo o Surf Clube Viana presenta o XIX Luso Galaico, un clásico campionato entre surfeiros galegos e portugueses e que este ano terá lugar nos vindeiros días 23 e 24 de setembro na Praia de Arda en Afife, Viana do Castelo. O Luso Galaico é organizado polo Surf Clube de Viana dende 1998, e estivo sempre asociado a momentos marcantes do Noroeste Peninsular, como foron: o Prestige "Nunca Máis", o Dia da Marinha Portuguesa , os 750 anos da Cidade, as Initiatives Océanes da Surfrider Foundation, Dia Europeu do Mar, etc.. e é un dos máis antigos eventos de surf da Península Ibérica.