Surf Campionatos Galicia proclámase campioa na Frouxeira
Galicia proclámase campioa na Frouxeira
Martes, 26 Xuño 2018 20:46

Vicente Romero Surf

A selección galega impúxose nunha apretadísima final sobre a segunda clasificada por tan só 210 puntos. O campionato de seleccións autonómicas foi un dos máis disputados que se lembra. Ata a última manga, a final de surf sub 14 masculina, non estaba nada decidido. A selección cántabra, a canaria e a galega pelexaron ata o último minuto por levar o cetro nacional.

A última eliminatoria da xornada disputouse cunhas condicións moi difíciles onde a responsabilidade do título recaeu sobre os ombreiros dos máis novos do campionato. Finalmente, sería o mozo Manuel Fernández quen lle daría o título ao combinado galego coa súa terceira posición na manga final. Os seguintes postos completáronos: a selección canaria, (12.870), a selección cántabra terceira (12.555 puntos), a selección asturiana cuarta (10.820), a selección andaluza quinta (8.265), a selección catalá (6.075) e a selección murciana sexta (4.875).

Selección Galega de Surf 2018

A nosa selección!

As condicións meteorolóxicas poñíanllo difícil aos surfeiros que igualmente deixaron mostra do seu gran nivel de surf. As puntuacións máis altas do día veríanse na final  open masculina. O galego Vicente Romeu, cunha espectacular manobra de 9.40 e unha combinación de 17.07 puntos, levaría a final e os puntos para a súa comunidade.

As finais de surf  sub 14, masculino e feminino, pechaban uns axustados resultados tras unha intensa xornada onde se proclamaría campioa de España de seleccións a federación adestrada por  Uxío Rodríguez e Marcos Pita, este último, tras a entrega de premios mostrábase moi feliz polo resultado: “é incrible gañar o campionato de España por equipos, vimos traballando moito este ano coa selección e todos os deportistas esforzáronse moitísimo e cumpriron todas as expectativas”.

A cerimonia de trofeos foi un bonito espectáculo de cores onde se festexou a primeira entrega dos máximos galardóns do surf. Dous días de gran surf nos que se puido ver a camaradería e o bo ambiente que se vive entre os deportistas das diferentes modalidades que compoñen este evento (Surf, Bodyboard, Longoard e Paddle Surf).

Mañá será a quenda dos máis pequenos. A partir das 9:00 h da mañá volverá á praia da Frouxeira o surf coas categorías júnior, categorías que haberá que esperar ata o venres para coñecer aos seus novos campións. Estas probas darán paso ás categorías absolutas que se disputasen durante o fin de semana.

Poderanse seguir en directo todas as probas na web oficial www.cesurf.es e nas redes sociais oficiais da FES:

Twitter: @fesurfing_
Instagram: @fesurfing_
Facebook: www.facebook.com/fesurfing

 
1 Vote
Cartel

Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia pola Rede. Levamos traballando dende 2008 e levamos máis de 4.000 novas publicadas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: