Cartel
Surf Campionatos Este sábado vaise celebrar o Coruña Big Waves no Portiño
Este sábado vaise celebrar o Coruña Big Waves no Portiño
Venres, 18 Febreiro 2022 09:24


Coruña big Waves

Este sábado 19 de febreiro a cidade acollerá o Coruña Big Waves, campionato internacional de ondas xigantes que decidirá o campión nacional e autonómico de dita modalidade. As previsións meteorolóxicas son as idóneas para os e as deportistas grazas ao tren de borrascas que impactará desde este xoves na península.

Será a primeira edición deste evento impulsado polo Concello da Coruña. Hai xa 30 surfeiros confirmados para o sábado. A competición comezará ás 8.30 e rematará arredor das 16.00 horas, dando paso á entrega de trofeos. Antes, este mesmo xoves, haberá un adestramento no Portiño.

As ondas grandes son un fenómeno natural que cada día chama a máis adeptos, seguidores ou practicantes, ao longo da costa española. Dentro dos case 8.000 quilómetros de costa que contamos na península, a comunidade galega converteuse nun lugar de referencia nesta modalidade xa non só a nivel nacional senón tamén internacional.


A onda do Portiño

Na cidade da Coruña, a onda do Portiño, como afirman os que a coñecen ben, é unha esquerda moi potente e extensa na que é necesario adestrar para saber surfeala. Eric Rebiere, especialista en ondas grandes e descubridor do Portiño xunto ao galego Juan Fernández, comenta que "agora mesmo no mundo non hai ningunha onda así de grande nun centro urbano como A Coruña. A posibilidade de que a xente poida chegar practicamente andando desde as súas casas é espectacular".

Rebiere é coñecedor desta onda desde hai moitos anos e asegura que "O Portiño ten un pico bastante definido, polo que é unha onda de fácil posicionamento, o que axudará aos competidores da proba para baixar ondas moi grandes", comenta o surfeiro francobrasileiro e residente na Coruña.

Para o coruñés Juan Fernández, actual campión de España de ondas grandes e un dos surfeiros que mellor a coñece, a onda do Portiño "é unha onda difícil, pero con moito potencial e á beira da miña cidade, onde estaría moi ilusionado de competir".

O lanzamento da primeira edición do Coruña Big Waves é unha aposta do Concello da Coruña co asesoramento técnico nesta modalidade tan específica por parte de After Surf, a Federación Española de Surfing e a Federación Galega de Surf. Coruña Big Waves, ademais de ser un campionato internacional, pon en disputa os títulos de campión de España e campión de Galicia e sitúa á cidade da Coruña no calendario internacional de ondas grandes.

Pódese consultar toda a información a través da páxina oficial www.surfing.es e nas redes sociais de Coruña Big Waves e da Federación Española de Surfing.

Fonte da nova: https://www.coruna.gal


Partillar no FacebookPartillar no Twitter
 
1 Vote

Estado do Mar a tempo real


Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia.

Levamos traballando dende 2008 e publicamos máis de 5.000 novas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: