Velaquí tedes o primeiro vídeo oficial da FGS con imaxes do pasado Campionato de surf celabrado na praia da Lanzada e pertencente ao circuíto galego de surf. Ondas mínimas permitiron a celebración do evento pero con condicións peores das esperadas. Gran ambiente na praia e moitos participantes chegados de toda Galiza e tamén doutros lugares como Cataluña e Canarias.

Co gallo da celebración do V Campionato Surf Concello de O Grove, 1ª Proba Infantil e Xuvenil da Federacion Galega de Surf en colaboración con Prado Surf Escola, queremos aportar o noso grao de area, contribuindo coa campaña de micromecenazgo #biopsialiquida para avanzar no estudo contra o cancro que se desenvolve o grupo de investigadores Oncomet nos laboratorios do Hospital Universitario de Santiago.

FOAM TV presenta o seu novo vídeo co resumo do Campionato no Pico de Patos a mediados deste mes e que contou con moi boas ondas e unha alta participación de competidores e público.

Vídeo presentado por Novalbos coas mellores imaxes do 25º Trofeo de Surf Concello de Nigrán no Pico de Patos e que foi a última proba do Circuíto Galego de Surf deste ano.

Novalbos - Este sábado concluíu en augas de Patos, cos mellores 60 surfeiros vindos de toda Galicia, a última proba do circuíto Galego de surf 2016, que organizaba o Clube Patos, o Concello  de Nigran e a Federación Galega de Surf. O de patos é o campionato máis veterano do circuíto galego, o primeiro en organizar foi no ano 1990 e desde entón non paramos, chegando este ano á 25 edición, polo que se converteu nunha referencia dentro do mundo do surf a nivel nacional, e para os surfeiros galegos unha cita obrigada do inverno nas Rías Baixas.

A vindeira fin de semana, 10 ou 11 de decembro, celebrarase a 4º proba Open de Surf e Longboard do Circuíto Galego na Praia de Patos, no Pico. AS inscricións pechan o xoves día 8 de decembro as 13.00h. O día do campionato non se poderá federar, nin inscribir, nin facer o pago do mesmo. O venres publicarase o horario provisional na nosa web fgsurf.org