Velaquí tedes algunha das mellores fotos que fixemos este sábado na praia de Patos na 2ª proba do Circuíto Galego Xuvenil 2014 e que rematou coa victoria da local Cris Iglesias e o rider coruñes Juan Fernández na categoría sub-18. Un cento de riders loitaron pola victoria nun día de condicións cambiantes pero swell constante con ondas dun metro que daban ondas boas surfeables no medio da praia de Patos.

Xa está todo preparado para a segunda proba de surf e bodyboard do Circuito Galego Xuvenil que vai ter lugar os días 26 e 27 de Abril na praia de Patos. Este evento vai contar con boas ondas tal e como podedes ver nas previsións do Windguru de Patos e está organizado por Zorlak Surfboards, Prado Surf Escola, Federación Galega de Surf e Concello de Nigrán.

Xa tedes na web da Federación Galega de surf os resultados e crónica oficial do Campionato Junior que tivo lugar na Lanzada a pasada fin de semana e que rematou coa victoria de Leo Zambrano en Sub-16 e Sub-18 e tamén da ferrolá Isa Gundín en Sub-16 e Sub-18.

Xa está todo preparado pra que comece o Circuíto Galego Infantil e Junior 2014 na praia da Lanzada coa súa primeira proba e tamén puntuable para o Campionato Estatal de Promesas. A proba terá lugar os días 5 e 6 de Abril e esperamos a confirmación por parte da FGS xa que as condicións de momento son de mar e vento do sur. Seguiremos informando.

Xa temos o Calendario Provisional FGS 2014 pendente da súa aprobación pola na 1ª Asamblea Xeral do ano 2014 onde se aprobará o calendario definitivo entre outros aspectos. Este calendario está composto polas seguintes actividades: probas do Circuíto Galego, Campionatos Galegos, eventos da Selección Galega de Surf, outros campionatos importantes e cursos de Formación

Velaquí tedes o primeiro vídeo publicado coas imaxes do Mellor dos Mellores 2013 celebrado o pasado 18 de Xaneiro na praia do Orzán e que finalizaou coa victoria do rider local Pablo Montero na categoría de surf. Seguiremos informando...