Surf FGS Convocada a Copa Galicia de surf 2020 - Domingo 29 de Novembro
Convocada a Copa Galicia de surf 2020 - Domingo 29 de Novembro
Xoves, 26 Novembro 2020 09:38

O Patos Surf Club, a Federación Galega de Surf e o Concello de  Nigran, organizan como cada ano en augas da Praia de Patos o tradicional campionato TROFEO CONCELLO DE  NIGRAN que este ano cumpre 30 anos da súa primeira edición, sendo o campionato máis veterano do circuíto galego, o primeiro organizouse no ano 1990 e desde entón o CLUB PATOS no parou, chegando este ano á 27 edición, polo que se converteu nunha referencia dentro do mundo do surf a nivel nacional, e para os surfeiros galegos a cita obrigada do inverno nas Rías Baixas.

E como colofón nunha das mellores ondas galegas, o pico de Patos, onde se medirán os mellores surfeiros do circuíto galego de surf contra os mellores surfeiros locais, tamén o orgullo de onde se fai mellor surf está en xogo… Entre os favoritos atópase o surfeiro de Pontevedra, Milo Castelo é o que máis veces gañou este campionato, Guille Gómez ou Saúl Carrera, sen esquecer aos locais de patos Borja Malvar, Cristina Iglesias, Jaji Iglesias ou Angel Pozas que tentarán xogar co factor campo xa que se coñecen as ondas do pico de Patos de memoria.

A gran baixa por covid será o surfeiro galego máis internacional GONY  ZUBIZARRETA que confirmaba esta semana a súa asistencia ao campionato, pero unha PCR positiva lévalle a 12 días de confinamento.

Ademais, Neptuno uniuse á festa e mándanos ondas para o domingo. Así que con estas referencias de ondas divertidas e surfeiras de gran nivel e todo gratis, o espectáculo está servido …

O domingo 29 de novembro desde as 12:30 h da mañá empezarase coas primeiras mangas clasificatorias, para chegar ás 17:30 h coas finais de surf masculino e feminino.

Ao terminar o campionato farase a entrega de premios do campionato de Surf e do circuíto en “Patos  Beach House”, coa presenza confirmada das principais autoridades de  Nigran

HORARIO

  • 11:00 h   Confirmación inscricións.
  • 12:00 h   Inicio competición.
  • 17:30 h   Finais
  • 18:00 h   Entrega de premios


Organiza: Patos Surf Club, Concello de Nigrán e Federación Galega de Surf.

Tedes + info na web da FGS:

http://www.fgsurf.org/novas/circuito/967-copa-galicia-de-surf-xxvii-trofeo-.html

 
4 Votes


Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia pola Rede. Levamos traballando dende 2008 e levamos máis de 4.000 novas publicadas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: