Os cómicos Alberto Casado e Rober Bodegas, integrantes de Pantomima Full, presentan este sketch onde tocan varios tópicos do surfeiro do verán que aparece polos surfcamps da nosa costa e desaparecen da praia ata o seguinte verán.

Resumo do Campionato de Alumnos organizado por Prado Surf Clube pensado pra pasar un día de festa na praia con moitas actividades e algo de surf.

Esta fin de semana vai ter lugar o 1º Galicia Waterman Day no que os participantes deberán competir en tres disciplinas diferentes, ondas, vento e travesía. Este evento vai ter lugar nas praias de Río Sieira ou Furnas no Concello de Porto do Son o domingo día 6

Estamos en tempos de escolas de surf e praias cheas de bañistas e con poucas ondas así que mellor que arrancar a semana cun bonito vídeo de surf feito pola Conservera del Surf, na praia de Patos en Nigrán. Moncho Varela, Michi Gómez e Manuel Blanco disfrutan cun grupo de rapaces chegados de Madrid mostrando as técnicas básicas pra coller unha onda. Un edit de Matías Rivas.

Situada a pé de praia en Mar de Fora, Fisterra, a vila máis emblemática da Costa da Morte, na nosa escola poderás contar con todo o material necesario para as túas clases de surf e rutas de paddle xa sexas neno ou adulto e poderás facer uso das nosas instalacións que contan con vestiario, duchas, parking e ata unha zona relax onde poder descansar gozando do sol e as vistas ao mar.

Mañán ides poder participar no Surf Girls Day na praia da Lanzada e organizada por Mission Surf Shop con clases e exhibicion de surf, ioga en paddle surf ao solpor, sorteos e regalos e concerto de Cápitall. Todo este sábado 15 de Xullo a partires das 10:00 horas.

Resumo oficial do evento Patos surfing day 2017, organizado polo Concello de Nigrán a Federación Galega de Surf e o Patos Surf Clube, máis de douscentos surfeiros celebraron este pasado domingo 25 de Xuño na praia de Patos un día especial con música na praia, cursos gratuítos de surf, probas de táboas, cursos de paddle surf, Flysurf e Hoverboard, Zumba, concurso de baile, gran grellada na praia e como sempre ao finalizar o día nun ultimo acto ecolóxico, realizar unha limpeza da praia.

Xa te podes apuntar nas clases de Ioga na praia que van ter lugar os luns, martes e xoves na comarca do Val Miñor impartidos por Giorgia Bulzacca, surfeira italiana afincada na praia de Patos dende hai varios anos. Se queres asisitir podes contactar por teléfono no 600865579 pra ter máis información de horarios e prezos.

Lembrade que hoxe ás 19.00h, dentro do programa de actividades do Noroeste Pro, no Salón de Actos de Monelos de A Coruña, Gony Zubizarreta Moya e Vicente Irisarri, mellor surfeiro galego de todos os tiempos e o  fundador do Pantin Classic respectivamente, compartirán as súas experiencias connosco nunha mesa redonda sen precedentes. Esperámosvos!

Os vindeiros días 10 e 11 de Xuño podedes pasar polo mercado que vai ter lugar na praia da Orzán dentro das actividades do Noroeste Pro e da celebración do 20 aniversario da Federación Galega de surf.

12 anos de alegrías, choros, risas, bailes, pogos, paixóns, amores, odios pero sobre todo, 12 anos que cumprimos o noso obxectivo de non separarnos do que amamos e cremos desde o inicio que é o surfing, o skate, a música e a arte. É o noso manifesto desde o minuto uno e morreremos cos nosos ideais, con aquilo que nos obriga a espertarnos día a día co afán de superación e cuns obxectivos claros baseados no "Stay True" desde o corazón e sen ánimo de sumarnos aos movementos por tendencias.

Este venres día 28 de abril presentamos ADDICTIØN, a nosa aventura de surf no Ártico, en Lle Tavernier (A Coruña) a partir das 20:30h. Despois do bo recibimento que tivo en Barcelona, esperamos pasárnolo igual de ben aquí. Ademais, haberá exposición e venda de fotos da viaxe. Non cho perdas!