A escola de surf Txoko Surf Club precisa monitores de surf, chicos ou chicas, pra traballar na praia de Patos. Imprescindible estar en posesión da titulación de monitor de Surf da Federación Galega de Surf ou da Federación Española. Valoramos a empatía, a capacidade de traballo en equipo e a responsabilidade.

Prado Surf Escola precisa incorporar monitores para a súa escola na praia de Bastiagueiro. Se tes o título TD1 ou TD2 e queres traballar de monitor de surf podes contactar con iles pra lles enviar o teu CV.

Novo vídeo de Juanlu González, rider andaluz de Skimboard, coas imaxes da súa última viaxe ás Rías Baixas pra practicar skim na compaña dos seus amigos do Morrazo. Foron intensos días de temporal con fortes rachas de vento pero pagou a pena a viaxe.

Dende o Facebook de Ogilvie Stories recibimos o aviso dun roubo de dúas pranchas de surf Bowltash e varios neoprenos do interior do seu coche. O material roubado é unha prancha Bowltash, rosa 6'0, Bowltash laranxa 6'0, neopreno xcel 6/5/4 con capucha, neopreno Billabong 5/4, neopreno Quiksilver 5/4 e neopreno Vazva 4/3.

Xa está online o vídeo co resumo da xornada dos Papa Noeis na praia de Patos organizada por Patos Surf Escola. Un traballo de Matias Bbk.

Este venres 30 de decembro, Gony Zubizarreta compartirá como cada ano toda a súa experiencia connosco. Pola mañá un free surf pola zona e pola tarde unha charla de tecnificación na escola. Comentando os seus bos resultados no WQS, entre moitos outros temas que poremos sobre a mesa. Despois haberá sorteos e un brinde en familia.

Patos Surf Escola - Chegan os famosos Papa Noeis surfeiros de Patos!! Este ano celebraremos a chegada do Nadal o vindeiro venres 23 de decembro ás 11h. Iremos á auga a surfear cun gorro de papa Noel e ao acabar uns doces do Nadal e colacao ben quentiño. Este ano colaboramos cos servizos sociais de Nigrán. Pedimos a cada participante que asista a esta xornada que traia 1Kg de alimento. A poder ser non perecedoiro (pasta, arroz, legumes, etc.). Tamén pode ser cacao, leite, doces do Nadal. Calquera alimento será ben recibido.

Xa vos podedes inscribir ao Curso de Apnea que vai ter lugar na piscina de Carballo, en colaboración con Apnea Norte, Art surf Camp e Teirón surf, para a fin de semana do 12 e 13 de novembro. Este curso será impartido por Mario Lázaro de Free Diving North, instructor internacional da Apnea Academy.

Está orientado a surfeiros, pescadores submarinos, nadadores ou persoas que queren utilizar a apnea como ferramenta pra mejorar no seu deporte.

Presentámosvos un vídeo de windsurf de ondas con Florian Jung e Camille Juban, fillos do mar e do vento, surfando en diferentes spots da Costa da Morte. Un traballo de Pierre Bouras.

Xa van 11 anos dende o nacemento de Vazva, a marca galega de surf con máis proxección internacional e que conta con equipo de surf profesional máis potente da nosa costa. Pra festexalo estiveron de festa a pasada semana e fixeron este vídeo pra compartir con vós.

Recibimos o aviso dunha prancha de surf Soul Surfboards 6'2'' branca co borde pintado de laranxa perdida onte na praia de Barrañán en Arteixo. O seu dono Lucas Fernández solicita axuda e colaboración pra atopala.