Resumo da xornada de portas abertas co gallo do Día Internacional do Surf en Patos Surf Escola no Concello de Nigrán e con entrevista a Diego, un dos fundadores da escola, despois da súa viaxe de medio ano por Australia, Nova Celandia e Indonesia.

Recibimos un aviso de dúas prazas de monitor de surf na Escuela Gallega de Surf pra traballar na súa escola este verán na praia de Esteiro na Mariña. A oferta inclúe comida e lugar onde durmir se tes autocaravana ou furgoneta. Os interesados poden contactar con Nacho 606400726 ou Catalina no 627979638 pra entrar no proceso de selección.

Este sábado a partires das sete da tarde estades invitados ao evento de inauguración de Ultramarino, un novo concepto de tenda de surf en Vigo con marcas artesanais e cousas diferentes grazas á unión e traballo de dúas marcas galegas: Foam e Iron Mountain. Haberá música, birras e algo de picoteo. O novo local está situado no Camiño Maceiras nº9, no barrio de Teis, Vigo.

Por segundo ano consecutivo vamos celebrar o II Mercado de Surf na praia de Razo o 23 de xullo. Ese día na praia de Razo celebrase a 12 edición do Festival de Música alternativa Sereas e Piratas. Tamén  haberá un campionato de SINGLE FIN CLASSIC, sesión vermút con música en directo  e máis actividades incluso algunhas enfocadas os máis cativos.

De novo a Encyclopedia of Surfing presenta un resumo con imaxes históricas de diferentes épocas de surfeiros cos seus cans surfeando ondas por todo o mundo. Un vídeo moi orixinal que mostra como xa está case todo inventado.

Hoxe recibimos o aviso dun roubo na cidade da Coruña dun Longboard Bear Performance 9'0'' acontecido na garaxe da víctima. Por favor estade atentos por se aparece estes días polas webs de anuncios de segunda man ou polas praias da zona. En caso de saber algo podedes contactar con Niso pra lle pasar a información.

A escola de surf The Camp Doniños ofrece prazas para monitores de surf que teñan que realizar prácticas. Todos aqueles que estén realizando o Curso en Técnico Deportivo en Surf teñen a oportunidade de realizar as súas prácticas na escola de surf The Camp en Doniños, Ferrol, e hospedarse nas súas instalacións.

Vazva Surf School precisa técnicos titulados e federados na Federación Galega de Surf pra impartires cursos de surf durante os meses de Xullo, Agosto e Setembro. Os interesados poden enviar o seu CV e dossier con info ao email: info(arroba)vazva.es como concepto: VSSCHOOL.

Eric Rebiere xa está a transmitir os seus coñecementos aos seus fillos pequenos que teñen a sorte de contar cun gran pai e un gran surfeiro como mestre. Neste vídeo tedes unha das primeiras ondas da sua filla con moito estilo.

Seguimos crecendo en Twitter grazas ao voso apoio! Xa somos 4.500 seareiros na Rede do Paxaro Azul e unha das contas máis importantes galegas superando a grandes medios de comunicación sen necesidade de subvencións nin publicidade. Moitas grazas pola vosa confianza!

O Surf Clube Barbanza vai realizar o vindeiro domingo 22 de Maio unha nova edición da feira Surf Swap onde podes comprar, vender ou trocar material de surf e bodyboard. O evento vai ter lugar na Casa da Cultura de Xuño en Porto do Son e haberá pelis surfeiras, picoteo e cervexa artesanal grazas a Beer Lab.

Fermoso vídeo da Escola de Surf en Barrañán xestionada polo Costa da Morte Surf Clube e as súas instalacións gravado con vista aérea. Se queres formar parte deste clube podes facelo por 30€ ao ano e disfrutar da súa pista de skate, duchas e outras facilidades.