Lembrarvos que xa están dispoñibles as entradas nas Vazva Stores de Avda. Barrie da Maza 14 e Rúa Real 69 que son gratuítas e necesarias para acceder á festa do día 28 de maio. Repetiremos o éxito do ano pasado co campionato de skate GAS x TRICKS no skateplaza dos Rosales e a partir das 22.00h abriremos as portas da Praia Club para dar paso aos concertos das bandas Less Fortunate, Rockin FreeTanghas, Morgen, Black Coffee Band, Criminal Penguins, @thenewones e Judah Norweside.

A primeira vez que estiven en Nemiña penso que foi no ano 1995 e daquela era un lugar moi solitario. Pase 4 días durmindo nun coche e falando cos paisanos. Lémbrome dunha rapaza de menos de 15 anos que andaba con 40 vacas marelas polas leiras e soamente un par de surfeiros ingleses na auga.. agora os tempos sonche ben diferentes... Rubén Prieto presenta este fermoso vídeo gravado a vista paxaro da praia de Nemiña, as súas ondas e das instalacións das casas que ten pra alugar xusto ao comezo do areal na súa web Surf Costa da Morte.

Juanlu Gonzalez - Foron tres dias de moito skimboard, xusto entraba a borrasca cando Lorena e eu tiñamos libre e xogámosnola nunha fin de semana de tolemia, 1.000 km conducindo sen parar demasiado para skimar o día seguinte... Dani de Mallorca tampouco o pensou demasiado en facerse os kilometros até alí xa que comezaba a súa viaxe dende Valencia... pero mereceu a pena, esa area fina, e ese pedazo de baixada que ten a praia de Area brava encántounos, prometo volver..

De novo temos noticias sobre o regulamente imposto por Costas e Concellos ás escolas de surf na provincia da Coruña e sobre todo ás cinco escolas de Porto do Son e Riveira. Polo que sabemos Costas solicita o abono integro das tasas de 200€ por mes e Concello a estas escolas sen dereito a nada e con moitas obrigacións. Por exemplo se queren dar clases en Corrubedo e Furnas van ter que pagar 400€ ao mes por ser de diferentes Concellos.

Nico Peña precisa o teu apoio pra conseguir un novo patrocinio deportivo da man da marca de neoprenos ION. Por favor visita este link de Facebook e fai click no "LIKE" pra axudalo a conseguir un sponsor internacional:

https://www.facebook.com/ion.water/photos

A Escola De Surf As Furnas avisa dun roubo no carro dun dos seus compañeiros pola zona de Corrubedo. Andade con ollo cando aparquedes nesa zona e tentade non deixar cousas de valor á vista. Se mirades xente sospeitosa anotade matrículas e avisade á Policia Local. 

Dende o día 20 de Marzo ata o 24 ides poder participar na praia da Lanzada no Campus de Surf e salvamento acuático deportivo que Prado Surf Escola organiza en colaboración co Clube de Salvamento Acuático Pontevedra. Os prezos varían dende os 80€ por un día ata 300€ polos cinco días con estancia nun hotel e pensión completa a 50 metros da praia.

Pois as cousas pintan moi mal para moitas escolas de surf da provincia da Coruña xa que polo que sabemos por diferentes fontes e a intención dos Concellos, Costas e Deputación de cobrar 200€ ao mes a cada escola de surf. Deste xeito unha escola itinerante de perfeccionamento de rapaces xa non vai poder buscar a praia coas mellores condicións e deberan dar clases sempre no mesmo lugar a menos que paguen moitos euros.

A polémica creada polas Administración e a Demarcación de Costas ten un afan que sospeitamos recaudatorio xa que isto non acontence en ningún outro lugar de Europa. Este verán en Cornwall (UK) este ano van pagar uns 100€ por prancha e as escolas e negocios locais están moi preocupadas. O Concello de Oleiros xa aprobou a normativa e tamén afecta a outros deportes nauticos como os realizados pola Agrupación Deportiva Rías Altas (ADRA) de naútica que non ten animo de lucro. Por exemplo en Bastiagueiro haberá 12 permisos en 2 turnos e 2 permisos en Santa Cristina.

Velaquí tedes unha mostra das mellores fotos feitas por Hilario Miranda 'Snakeyephoto', novo colaborador da nosa web e natural de Moaña, que leva xa algún tempo perseguindo ondas e temporais polo sur da costa galega e afotando spots pouco frecuentados do Morrazo.

Hoxe publicamos unha información moi importante para as escolas de surf da Coruña xa que recentemente o BOP Boletín Oficial da Provincia da Coruña (5 de xaneiro) publicou  a seguinte información para as escolas con actividade na provincia de A Coruña que agora van ter que solicitar unha concesión da liña de costa marítima para exercer as súas actividades.

Prazo ata o 8 de febreiro.

"Camiñando cara ó mar" é un proxecto de turismo arredor dos recursos mariños, naturais, culturais, náutico-recreativos e gastronómicos de Muxía na Costa da Morte. No vídeo aparecen boas imaxes de Nemiña e unha entrevista ao mítico rider da zona Felipe Sar.