Despois dunha semana moi paradiña por fin imos ter de novo varios días de surf seguidos xa que este Domingo entra un golpe de mar do noroeste con ondas de 4 metros e periodo 15 que irá diminuindo ao longo da semana ata os dous metros. Os primeiros días imos ter case nada de vento e logo entrara compoñente sur. Debaixo tedes a previsión para o domingo.

Presentámosvos este vídeo que mostra o traballo diario en Luis Rodriguez Surf School ensinando aos novos riders de Ferrolterra como facer surf en condicións seguras e divertidas. Luis Rodríguez é un dos grandes surfeiros da nosa terra e un excelente profesor que leva moitos anos ensinando aos rapaces.

Seica estamos xusto a piques de comezar unha excelente semana pra surfear en toda a costa galega xa que imos ter unha borrasca situada no Gran Sol que vai mandar boas ondas pero sen meter vento. Dende o martes até o venres imos ter ondas de 2 a 5.5 metros con periodos de 12 a 14 e practicamente sen nada de vento.

Por fin un gran golpe de mar vai golpear de cheo a nosa costa este martes e imos poder surfear eses spots que soamente a aparecen uns poucos días ao ano. Esta vai ser unha boa semana de surf con ondas constantes todo a semana con vento do sur. A final de semana o mar volverá subir e imos poder disfrutar de excelentes condicións de surf.

Debaixo podedes ver a previsión do mar para o venres 23 de Outubro que parece ser bastante boa para poder disfrutar de boas ondas na nosa costa. Esta finde vai comezar, probablemente o venres, a proba do mundial de surf en Supertubos, e tamén é un bo plan para eses días. Ide pensando que ides facer.

Por fin recibimos o primeiro swell do Outono acompañado de fortes ventos do sur e choiva que vainos deixar boas ondas esta semana e axudará a limpar os fondos de area acumulados durante o verán. Seica comeza a tempada de surf.

Este vindeiro sábado 19 de Setembro vaise celebrar na praia de Bastiagueiro o evento VAZVA Surfing Day con clases de surf gratis para os participantes. Este evento ten como obxetivo celebrar o comezo dos cursos de inverno de Vazva surf School. A previsión é de sol, ondas e bo tempo. Os horarios serán de 11:00h a 14:00h e de 16:00h ata 19:00h.

Despois de dúas semanas sen ondas e con pequenas chustas imos ter a oportunidade de catar o primeiro swell do mes de Setembro. Xa esta finde tivemos boas ondas e levamos 4 ou 5 dias pillando pequenos baños pero a partires de hoxe o mar comeza a subir e o mércores vai ser o día grande. O xoves e o venres tamén van ser bos días seguramente polo que imos ter unha boa semana. A previsión de ventos para toda a semana é de ventos do sur, frouxos luns e fortes martes e mércores.

Despois dun excelente mes de Agosto con varios golpes de mar o mes de Setembro parece que vai traer, polo menos estes dez primeiros días, moi pouco mar. Non hai ondas nin se lle esperan, exceptuando as chustas de Pantín de cuarto metro ou algo que rascar en Soesto pero mal de vento. Haberá que seguir esperando e ver que acontece na segunda semana do mes.

Este domingo 30 de Agosto podedes asistir ao evento de despedida do mes de Agosto e simbólicamente do verán na praia de Río Sieira que contara con actividades varias dende as 9 da mañá ata as dez da noite. Haberá campionato de surf, mercadillo, música, test de pranchas de surf, clases de surf e máis cousas...

Despois das ondas que tivemos a primeiros de mes, esta fin de semana, a partir de hoxe pola noite, imos recibir o segundo golpe de mar do mes de Agosto con periodos altos de ata 16 e ondas de dous metros como podedes ver na previsión do windguru para Razo. Debaixo tedes a previsión de ondas para o venres pola tarde.

Este ano xa comezamos a notar a subida da temperatura da auga na nosa costa pero non tanto como o ano pasado. Na imaxe inferior tedes a tempo real a temperatura da auga do mare na nosa costa e como podedes ver está a 17-19ºC dependendo da zona pero de seguro que poucas semanas chegaremos aos 20-21ºC.