Surf Outras Novos pasos da Candidatura de Costa da Morte como Reserva Mundial de Surf
Novos pasos da Candidatura de Costa da Morte como Reserva Mundial de Surf
Luns, 22 Xullo 2019 11:43

Surf Costa da Morte - Galicia

A CMAT continúa apoiando a Candidatura de Costa da Morte como Reserva Mundial de Surf tras superar a primeira fase

A CMAT estivo presente o pasado venres 12 de xullo na convocatoria do Grupo Promotor da candidatura de Costa da Morte como Reserva Mundial de Surf. A Praia de Razo foi o escenario escollido para comunicar que a proposta presentada a “Save the Waves Coallition superou a primeira fase do proceso selectivo.

Acompañando á CMAT como ente xestor do xeodestino Costa da Morte na convocatoria aos medios do pasado venres, estiveron presentes diferentes membros do Grupo Promotor como a Deputación da Coruña, representantes de diversos organismos públicos e grupos de interese sectoriais.

Os criterios que fixeron prosperar a candidatura da Costa da Morte como Reserva Mundial de Surf nesta primeira fase foron, segundo se declarou, o peso do surf na cultura e historia do territorio, as características ambientais da zona, a calidade e consistencaa das ondas e a aposta polo proxecto por parte de entidades locais. Neste último criterio inclúese o apoio da CMAT, así coma de outros grupos de interese sectoriais.

A seguinte fase do proxecto, que se retomará trala época estival de máis actividade no sector do surf, comprenderá a mellora e ampliación da candidatura. Nesta mesma incidirase na importancia dunha oferta de deporte sostible e respectuoso co medio ambiente do territorio.

A CMAT continúa involucrándose neste proxecto, posto que comparte os seus obxectivos cos do Plan de Acción para o Turismo da Costa da Morte 2019-2021, onde se recolle o surf e outras actividades náuitco deportivas como claves no
desenvolvemento turístico local.

De prosperar, convertería a este territorio na primeira Reserva Mundaal de Surf declarada no Estado, a segunda en Europa; trala portuguesa Ericeira, e na doceava a nivel mundial.

 
3 Votes
Cartel

Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia pola Rede. Levamos traballando dende 2008 e levamos máis de 4.000 novas publicadas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: