Hoxe en Doniños reuníronse entre outros, Gony Zubizarreta, Luís Rodriguez, e Oscar Vales. Cando Luís lle dixo a Flavia que hoxe ía adestrar con el e que estaría tamén Gony na auga, pensou que ela non podería estar no mesmo pico; as ondas eran de tamaño considerable. Ao final entrou, gozou véndoos e fixo o que puido, mentres aguantou.

Flavia Braña atacando o beizo da onda!

Segundo aparece no web da ASP Gony está a preparar a súa volta aos campionatos WQS. O surfeiro vigues de 23 anos, que acadou a posición 33 no ASP WQS no 2008 a pesar de estarlesionado parte do circuito, é un dos grandes favoritos para entrar no ASP World Tour e conseguir por primeira vez na historia que un galego compita ao máximo nivel no mundo do surf.

Eiquí tedes unha foto dun dos mellores e máis activos surfeiros e fotógrafos galegos, Daniel Almeida. Esta foto tomouna Anahí e demostra que pra sacar boas fotos de surfing tes que ser bo surfeiro e saber vivir no mar.

Dende o blog do Patos Surf Clube chega a nova de que este luns 12 de xaneiro retransmitirase no programa da TVG "Acompáñenos" unha entrevista a Gony Zubizarreta, un dos maiores expoñentes do surf galego.

Impresionante video de Gony e Jaji surfeando estas días por Hawaii..

O surfeiro galego Gony Zubizarreta responde á ASP nesta entrevista desde Hawai, na que fala da súa recuperación da lesión nun nocello, despois dunha boa tempada no WQS con sólidas actuacións en distintos eventos. O 2009 xa está aquí, e Gony xa está listo para volver dalo todo.