Unha sesión de Bodyboard á tardiña nas Rías Baixas durante a primavera do 2023. Como se pode ver neste vídeo, o mar tiña pouco tamaño este día, pero sobre todo moi pouca forza. Agora que pasou o inverno, coa forza característica das súas ondas, estou a darme conta de que os días nos que o mar non axuda son aqueles en os que che dás conta do teu verdadeiro nivel. Ou polo menos do nivel da túa técnica.
Os días de ondas grandes e fortes diría que o complicado é ter a forma física e a confianza para aguantar pero resulta máis "sinxelo" coller velocidade para tentar as manobras. Con todo, os días como os deste vídeo calquera erro na túa técnica págase caro na velocidade e termínase notando en que fallas a manobra que tentas.
Este día tiven a sorte de ter a alguén gravando desde a beira, así que vos traio un formato distinto. A diferenza dos vídeos en primeira persoa, coa gravación desde fóra pódense apreciar os meus erros, que polo que vexo son uns cuantos.
Texto e vídeo: Víctor LS.
