Hoxe apresentamos o trailer e o cartaz do novo documental sobre bodyboard "Bodyboard, Un Xogo de Nenos" feito por Juan Luis Gómez Frieiro. O propósito deste documental é facer chegar ao maior número de persoas o que é a realidade deste deporte.
É unha historia contada polos distintos tipos de bodyboarders que existen; desde a principiante... até o nove veces campión mundial de Bodyboard, Mike Stewart. Eles e elas, mediante as súas impresións, mergullarannos de cheo no mundo das ondas.
No mes de maio farase unha festa de presentación oficial do documental, na cidade da Coruña. Avisaremos do lugar e da hora con suficiente antelación.
Podes ver máis videos de Juan Luis Gómez Frieiro dende esta ligazón.