Neste artigo tedes duas secuencias impresionantes do noso mellor rider, Cristian Pérez. A primeira é un tubazo limpo e profundo en Portugal e a segunda un aéreo no Faro de Lariño. Ámbalas dúas secuencias foron feitas por Ángel Fotosplino e amosan a calidade e o estilo de Cristian na auga.
Este xoven vigués que finalizou na segunda posición no Surfusiom 2009 é un dos mellores deportistas da nosa terra e ben se merece máis apoio por parte da Xunta e dos patrocinadores. É unha mágoa ver que xente como Cristian non ten apoios para poder seguir o circuito mundial de bodyboard e levar a bandeira galega aos lugares máis altos deste deporte.
Segundo nos comenta Angel Fotosplino: "Cando escoito o nome de Cristian Pérez, a verdade que sempre me veñen á miña cabeza millóns de imaxes del na auga, teño máis de mil fotos de Cristian e a verdade que dá gusto, nunca me canso, é o tipico que a lia en menos de nada, a súa motivacion é algo que me deixa alucinado como o fixo en Ferrol quedando segundo, pode conseguir todo o que se propoña, é unha pena non ter a un galego deste calibre competindo todo o mundial, pero a vida dálle pan a quen non ten dentes, que lle imos a facer. Estas fotos son dunhas sesións recentes en costa lusas e galegas. A primavera parece que nos empeza a deleitar con baños clasicos, esperemos que continue."
Pincha nas fotos para amplialas!
{gallery}BodyFotos/Noticias/2010/secuenciacristian:120:100:0{/gallery}
Pincha nas fotos para amplialas!
Todas as fotos son de Ángel Fotosplino