Este domingo celebrouse a proba de longboard en Pantín e tamén de Paddle surf con menos mar que no día de onte pero cun sol espectacular. A primeira hora do día houbo outra sesión ceibe de surf con cuarto metro glassy que aproveitamos os long antes de comezar o evento. Houbo baixa participación e comezou en cuartos, as semifinais e finais foron de seguido rematando coa victoria de Yago Baz (1º), Dani Alvite (2º), Ruffo Navarro (3º) e Alberto Mouriño (4º). Nas semis estiveron na auga tamén Lois Rodríguez, Marcos Pita, Juan Patiño e Néstor Martínez.
Despois da paella do mediodía houbo descenso en skatelong pola costa de Pantín e unha sesión de longboard clásico na que participaron uns 15 riders.
Outro día de acollida no Pantín Surfcamp con excelente organización. Grazas a Marcos e Samuel!
Tedes todas as fotos do domingo na galería de abaixo:
{artsexylightbox path="images/stories/Longboard/novas2012/pantin2012" previewWidth="128" previewHeight="95"}{/artsexylightbox}
