Cristina Collazo e Iago Formosel serán os dous surfeiros galegos que participarán no Gadis Longboard Festival 2024. Ambos surfeiros traballaron duro para gañarse as wildcards para o primeiro dos tres eventos da WSL en Galicia este verán.
Formosel obtivo a mellor puntuación con 7,77, por diante de Michi Gómez, Daniel Alvite e Patrick Vilán. En categoría feminina, Collazo destacou por diante de María Lafuente e Lola Bermúdez.
A proba LQS 1.000 WSL conta coa participación de 61 surfeiras: 32 homes e 29 mulleres, chegados de Europa, Sudamérica, e mesmo das Antípodas, representando a Nova Zelandia.
A competición desenvolverase durante toda a fin de semana, tendo o seu epicentro no cámping de As Cabazas, en Covas, unha pequena aldea surfeira. O 13 de xuño arrincará cunhas emocionantes Probas Clasificatorias, que ofrecerán a calquera surfeiro non clasificado a oportunidade de asegurarse unha praza no prestixioso evento da WSL.
Do 14 ao 16 de xuño, os mellores talentos do Longboard enfrontaranse nunha competición co selo distintivo da WSL, que atraerá a afeccionados e profesionais por igual. Os asistentes terán a oportunidade de participar en diversas actividades complementarias, desde patinaxe xunto á praia ata sesións de ioga e talleres ambientais, todas elas gratuítas.
Os concertos, que comezarán a última hora da tarde, ao redor das 19:00 horas, brindarán a oportunidade perfecta para desconectar e gozar da música baixo a impresionante posta de sol. O punto culminante chegará o domingo 16 de xuño, coas esperadas finais, nas que se coroará aos campións do evento.
