Do 14 ao 19 de outubro de 2025, a Praia de Patos (Nigrán, Galicia) converterase no epicentro do surf inclusivo europeo coa celebración do European ParaSurfing Championship 2025, organizado pola European Surfing Federation en colaboración coa Federación Española de Surfing (FESurfing).
O campionato reunirá aos mellores para-surfistas do continente nun evento de carácter paralímpico, con 8 divisións oficiais recoñecidas pola International Surfing Association (ISA): stand, kneel, prone, surfistas con discapacidade visual e outras categorías adaptadas.
Trátase dunha cita de referencia para o surf inclusivo en Europa, que porá en valor a capacidade, o esforzo e o talento dos deportistas, ademais de reforzar o papel de Galicia como sede internacional de grandes eventos deportivos. Unha oportunidade única para vivir o para-surfing en primeira liña, celebrar a inclusión e gozar do deporte nun contorno natural incomparable.
📅 Datas e localización
-
Datas: do 14 ao 19 de outubro de 2025
-
Lugar: Praia de Patos, Nigrán (Galicia)
-
Inscricións: abertas ata o 26 de setembro
🤝 Apoios e organización
O evento conta co apoio da Fundación Bimbaylola como patrocinador principal, así como da Xunta de Galicia, Deputación de Pontevedra, Concello de Nigrán, Federación Galega de Surf e Quenlla Surf Clube, entidades que fan posible esta cita internacional e reafirman o seu compromiso coa inclusión e o deporte.
🏄♂️ Programa do campionato
-
Martes, 14 de outubro
-
9:00–16:00 h: Clasificación e inscricións
-
17:00 h: Desfile e Cerimonia de Apertura
-
20:00 h: Reunión técnica para deportistas, adestradores e staff
-
-
Mércores, 15 de outubro: Inicio da competición (8:00–18:00 h)
-
Xoves, 16 de outubro: Segunda xornada (8:00–18:00 h)
-
Venres, 17 de outubro: Terceira xornada (8:00–18:00 h)
-
Sábado, 18 de outubro: Última xornada (8:00–15:00 h) e Cerimonia de Clausura
-
Domingo, 19 de outubro: Día adicional en caso de ser necesario
🧭 Criterios de xulgamento
Aplicaranse os criterios oficiais da ISA, valorando:
-
Grao de dificultade e risco das manobras.
-
Innovación e progresión.
-
Variedade e combinación de manobras.
-
Velocidade, potencia e fluidez.
A escala de puntuación irá de 0 (malo) a 10 (excelente), prestando especial atención á execución correcta das manobras en ondas abertas fronte a augas bravas.
O European ParaSurfing Championship 2025 promete ser unha semana chea de emoción, superación e espírito deportivo na Praia de Patos, consolidando a Galicia como referente europeo do surf inclusivo. 🌊
