Xa está aberto o prazo de inscrición da 1ª Proba Open de Longboard e Paddleboard, para a próxima fin de semana o día 11 de Febreiro, na praia da Ladeira no Concello de Baiona. Haberá actividades como bautismos de iniciación ao surf e ao paddle surf.

Despois de case cinco meses sen novidades, Suso Ben, presenta o seu novo traballo de vídeo grabado na súa totalidade coa nova cámara Go Pro HD nunha pequena e divertida esquerda que rompe os días de moito mare. Moito long e moito bo rollo na auga. Boas Ondas!

Velaquí tedes unha pequena mostra das fotos publicadas no blog de Jahgo e o Surf dunha boa e divertida sesión de longueiróns e algún paddle surf na onda do Pedrido que apareceu na nosa costa por mor das grandes borrascas que pasaron preto estes días pasados. Fotos: Arantxa.

Yago Baz no seu longueirón

Adrián Seoane foi o vencedor na modalidade de longueirón na final do Campionato Galaico Luso 2011.

1º Adrián Seoane
2º Rubén Carrera
3º Jose Luis Barcala
4º Lois Rodríguez

Seguiremos informando..

Velaquí tedes unhas fermosas instantáneas feita por Lupe e publicadas na galería de JulianFotoSurf dunha sesión a pasada semana na praia da Lanzada con moitos longueiróns na auga. Facede click na ligazón da parte baixa pra ver toda a galería.

Velaquí tedes o primeiro vídeo de Novalbos en Vimeo coas imaxes da proba de Longueirón do Circuito Galego que tivo lugar na praia de Patos o pasado mes. Máis de 30 minutos editados por Chopoloo que fan desta peza un verdadeiro documental do evento.

Velaquí tedes o ranking definitivo do Circuito Galego de Longboard 2011 no que Nestor Martínez rematou como campión con 2260 puntos seguido pola mínima por Ruffo Navarro con 2230 e Dani Alvite con 2000 puntos. Este circuito foi dominado completamente polos riders do G.A.L que meteron a 6 membros do seu clube nas dez primeiras posicións.