O 2013 comeza cunha sorpresa do rider basco Axi Muniain que ven de publicar unha reportaxe sobre as ondas galegas XXL no Surfline. A reportaxe conta con 17 imaxes de diferentes spots da Costa da Morte e da Mariña Luguesa. Esperamos que Axi estea moi contento de contar os nosos segredos e que reciba moitos parabens na súa terra e nos USA.
A finais do 2011 houbo un forte enfrontamento entre Axi e o seu equipo co fotógrafo Bruno Novoa e o equipo de Eric Rebiere. Nesta discusión tratouse o tema do diñeiro e o prezo das fotografías, houbo acusacións fortes e reclamacións de dereito de propiedade por parte de Axi Muniain sobre unha onda como se fose unha concesión administrativa ou algo así.
Trece meses despois as fotos de varios secrets galegos XXL son publicados a cambio de diñeiro. Quen se lucra? Quen explota as ondas agora?? Seica non querían manter o segredo ou mais ben vender eles o segredo? Agora xa podedes sacar as vosas conclusións como surfeir@s pensantes que sodes...
O equipo de Axi publicou o vídeo da forte discusión no Youtube e ó día seguinte foi retirado por eles mesmos por razóns que soamente eles coñecen pero o vídeo non os deixaba demasiado ben con amenazas e tonos prepotentes cara o equipo de Bruno Novoa e Eric Rebiere.
No minuto 19:00 do seguinte vídeo 'Sana Saida' tedes unha das mellores ondas XXL da Costa da Morte e que foi publicado hai un ano.
