O vindeiro sábado 23 de xullo terá cita o Roxy Longday Festival que contará co apoio de Raz Surf Camp na praia de Razo. Trátase do primeiro festival onde o surf e o skate mesturásense ao máis puro estilo oldschool de longboard.
Será un día cheo de estética retro e volta ao pasado onde o surf como unha seda, as ondas, o sol e a boa música serán os protagonistas xunto cunhas invitadas de excepción: as rider de Roxy do equipo internacional.
Roxy achegará á costa galega o movemento longboard que naceu en California e ten a súa orixe na cultura de surf expandíndose máis tarde ao mundo do skate. Unha forma de vida, unha estética retro chea de cor e liberdade e o característico estilo do longboard fluído e adictivamente atractivo contaxiarán a praia de Razo o próximo 23 de Xullo
A inscrición inclúe libre participación nas sesións de longskate & longboard, clases de iniciación para un grupo reducido, test dos novos longskates de Roxy. Customización de longs da man da artista Eme, concerto de Me and the Bees, churrascada, premios e a entrada ao VI Festival de música Sereas e Piratas que comeza coa posta de sol dese mesmo día 23 de Xullo.
Web Oficial do Evento:
