<Oeste Surf - O compañeiro Alberto escríbenos xa que onte deixou esquecida a súa prancha de surf tras un baño na Cala, en Porto do Son, na Ría de Muros e Noia. Pasounos a todos cousas parecidas, así que tentemos colaborar todos con el. É unha Pukas 6'3'' do shaper Brian Ingham (como vedes xa ten tempo), está vella, duns 7 anos, con reparacións feitas polo propio Alberto.
Non é unha prancha nova, nin ten un valor no mercado... soamente o valor sentimental que Alberto comenta... "podo gratificar cun tattoo xa que é a miña profesión ou un módico prezo a cambio xa que lle teño moito afecto sentimental por ser a prancha coa que pillei as miñas primeiras ondas no océano". O máis significativo para recoñecela son unhas reparacións amarelas na cola e dúas quillas laterais vermellas e unha central negra e recortada... cunhas lapas a lapis no bottom.
Grazas de antemán á colaboración de todos vós e a ver si conseguimos que Alberto recupere a súa prezada táboa... sentirvos libres de difundir o post, grazas.
Fonte do artigo:
http://www.oestesurf.com/$weblog/2010/01/22/a_ver_si_recuperamos_esta_tabla_se_ha_perdido