Ecoloxía Denuncias Pantín Classic Vs Píllara das Dunas
Pantín Classic Vs Píllara das Dunas
Martes, 19 Agosto 2014 20:22

Pillara das Dunas

ADCSL Praia de Pantín - Hai algúns días amosabamos neste espazo dous pequenos ovos de Píllara das Dunas, e falabamos da importancia da conservación do seu hábitat. A Consellería de Medio Ambiente vén de publicar este mesmo ano no mes de xaneiro, o Decreto 9/2014 do Plan de Conservación da Píllara das Dunas dentro da Zona de Especial Conservación (ZEC) "Costa Ártabra", unha importante medida de protección desta pequena ave cuxa distribución está catalogada actualmente como "vulnerable".

Chaman a atención os esforzos que dende a Consellería de Medio Ambiente se fan para salvagardar a conservación desta especie, e por este mesmo motivo non comprendemos como dende a mesma Xunta de Galicia, dende a mesma Consellería da que falabamos e dende a Consellería de Turismo se están a saltar e a quebrantar tódalas directrices e normativas establecidas para a protección dos hábitats e Zonas de Especial Valor Natural como é a contorna da Praia de Pantín.

A celebración do Pantín Classic 2014 é un claro exemplo deste despropósito. A decisión é vosa, ou quedamos calados ou avanzamos. Á vista do marabilloso que resulta ver como a pequena nai Píllara loita por sacar adiante aos seus dous pequerrechos a pesar da nosa indiferenza, debería facernos reflexionar sobre a importancia das pequenas cousas que nos rodean.

Fonte da nova:

https://www.facebook.com/adcsl.praiadepantin

Foto da nova e + info en:

http://www.sghn.org/Actuacions_Xeral/Biodiversidade/Especies_ameazadas.html

 
4 Votes
Cartel

Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia pola Rede. Levamos traballando dende 2008 e levamos máis de 4.000 novas publicadas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: