Ecoloxía A Costa Limpeza de Praia en Doniños - 21 de Marzo
Limpeza de Praia en Doniños - 21 de Marzo
Venres, 19 Marzo 2010 10:22

Jesús Busto - Este domingo terás a oportunidade de participar un ano máis na campaña de Limpezas de Primavera que desde hai 15 anos organiza Surfrider Foundation en Europa. O obxectivo da campaña, ademais de limpar, é lanzar a mensaxe á sociedade de que habemos de actuar rapidamente en favor dos mares e os océanos.

Como desde hai 11 anos o Océano Surf Club súmase á campaña organizando unha limpeza na praia de Doniños, á que estades todos convidados. A cita é o domingo día 21 ás 12:00 horas, no aparcadoiro de Outeiro. Podedes consultar onde se celebran outras limpezas picando nesta ligazón.

Trátase dunha moi boa oportunidade para que devolvamos ao océano, e a todas as especies que habitan nel, unha pequena parte das inmensas satisfaccións que nos dan, ofrecéndolles por unhas poucas horas o noso esforzo.

Ademais da de Doniños, hai organizadas xa máis de 750 limpezas noutros puntos de Europa.

A limpeza do domingo terá continuidade o vindeiro xoves día 24 con outra nova acción que se organiza xunto co colexio Mercedarias de Ferrol.

Esperámosvos.

Máis info en:

http://oceanosurfclub.blogspot.com/

http://desdelacroa.blogspot.com/

 
3 Votes
Cartel

Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia pola Rede. Levamos traballando dende 2008 e levamos máis de 4.000 novas publicadas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: