FGS - Comunicado deporte federado

Achego enlace ao DOGA e a comunicación do noso gabinete xurídico a modo de interpretación das medidas que serán vixentes dende hoxe ata o vindeiro 17 de febreiro.

Decreto 8/2021 e Orde o 26 de xaneiro de 2021

Dende a Federación Galega de Surf estamos en contacto coa Secretaría Xeral para o Deporte no que respecta ao tratamento das novas limitacións que atinguen ao noso deporte. Trala publicación do Decreto 8/2021, do 26 de xaneiro e a Orde que o desenvolve, podemos facer as seguintes consideracións:

  • Quedan restrinxidas a entrada e a saída de persoas do ámbito territorial de cada un dos concellos da Comunidade Autónoma de Galicia considerados individualmente, polo que os deportistas non poderán desprazarse cambiando de Concello.
  • No territorio da Comunidade Autónoma de Galicia, a permanencia de grupos de persoas en espazos de uso público, tanto pechados como ao aire libre, e en espazos de uso privado quedará condicionada aos constituidos exclusivamente por persoas conviventes, polo que a actividade de escolas de surf terá que verse suspendida.
  • Quedan suspendidas as competicións deportivas de nivel autonómico.
  • Os correspondentes adestramentos só poderán realizarse dentro do propio concello, ao aire libre de forma individual (con persoas conviventes) e coa utilización de máscara. A este respecto, dende a Secretaría Xeral para o deporte infórmannos de que no caso do Surf, lóxicamente non será necesaria a utilización de máscara dentro da auga, se ben cómpre aumentar a distancia de seguridade entre deportistas.
  • Non se poderán realizar adestramentos pautados de nivel autonómico ou local entre persoas non conviventes.
  • As competicións deportivas federadas de nivel nacional e os seus adestramentos desenvolveranse de acordo co establecido pola Administración competente e de conformidade coas limitacións establecidas nos protocolos federativos correspondentes.
  • A eficacia das medidas previstas neste decreto comezará ás 00:00 horas do día 27 de xaneiro de 2021 e terminará ás 00:00 horas do día 17 de febreiro de 2021.

Seguiremos informándovos das novidades das que teñamos coñecemento.

Boas ondas!


Artigos recentes:

Usamos cookies

Usamos cookies no noso sitio web. Algúns deles son esenciais para o funcionamento do sitio, mentres que outros axúdannos a melloralo canda a experiencia do usuario (cookies de seguimento). Podes decidir por ti mesmo se queres permitir cookies ou non. Ten presente que se os rexeitas, é posíbel que non poida utilizar todas as funcionalidades do sitio.