O rider ferrolán Luís Rodríguez venceu na proba do Circuíto Galego Open de Surf desputado o pasado sábado na praia de Pantin nun lombo pequeno que foi baixando de tamaño a medida que discurría a competición. As semis e a final celebraronse nun dobre pico perto da orilla pero que daba esquerdas e dereitas pequenas pero xeitosas con algo de duración. Hai que destacar a boa actuación de Pablo Montero (4º), Chumi (3º) e Miguel Pérez (2º) que chegaron a final.
Nas semifinais estiveron na auga míticos surfeiros da costa como Oscar 'Tuberías' Prieto, Marcos Heinrich, Nico Pérez e Martín Cortijo. As rapazas tiveron unha final a cinco na que Erika Franco (1º) non tivo competencia e soamente Paula Paz (2º) fixo un par de boas ondas. Isabel Gundín foi tercera, Alba Rodríguez cuarta e Blanca García (5º).
As mellores ondas foron a primeira hora do día e soamente os máis madrugadores puideron disfrutar dun metriño glassy en sesión ceibe. Bo ambiente na caseta do Pantín Surf Camp, organizador do evento, e na praia poucos espectadores nun día de verán esplendido no que disfrutamos dunha boa paella a conta da casa e bañamonos na praia máis surfeira da nosa costa.
Moitas gracias a Pantín Surfcamp por todo!
Tedes todas as fotos do sábado na galería de abaixo:
{artsexylightbox path="images/stories/surfNoticias/2012/pantin2012" previewWidth="128" previewHeight="95"}{/artsexylightbox}
