Publican un libro dos 20 anos de historia do Pantín Classic

 

O Océano Surf Club saca á luz un libro no que intenta recoller os 20 primeiros anos do Pantín Classic. Un campionato consolidado, con soleira e un merecido prestixio a nivel europeo e ata mundial, gañado a pulso polo bo facer duns cantos visionarios, que creron nun soño e que souberon facelo realidade para o goce de Ferrol e a súa comarca.

O libro comeza cunha cita do poeta xaponés Ryunosuke Satoro: Como individuos somos unha pinga de auga... xuntos formamos un océano. Reflicte o espírito de irmandade, amizade, de benvida e a familiaridad que sempre tivo o Pantín Classic e que non se perdeu conforme a proba gañou estrelas e fama mundial.

Nas súas páxinas relátanse as orixes do surf en Galicia e da primeira vez que Vicente Irisarri ou Carlos Bremón, posteriormente promotores do Pantín Classic, botáronse ao mar cunha táboa baixo o seu corpo. Detalla porqué elixiuse a praia de Pantín e o desenvolvemento das distintas edicións do campionato, desde a primeira, en 1988, que gañou Jorge Imbert, tras imporse na final ao brasileiro Roberto Ziller a Balbi Irisarri e Fernando Adarraga, ata a edición do 2007 na que o triunfo foi para o alemán Marlon Lipke.

Colaboran na publicación deste libro o Plan de Dinamización de Produto Turístico Ferrol Ortegal, o Ministerio de Industria Turismo e Comercio, a Xunta de Galicia, Deputación, Cámara de Comercio, Asociación de Empresarios de Hostalería e a Unión Europea a través do Fondo de Desenvolvemento Rexional. Optouse por unha edición moi coidada, da que tan só se editaron 250 volumes. O seu prezo nas librerías é de 36 euros.

Máis info en:

Nova enviada por Pablo - Ferrolterra

Artigos recentes:

Usamos cookies

Usamos cookies no noso sitio web. Algúns deles son esenciais para o funcionamento do sitio, mentres que outros axúdannos a melloralo canda a experiencia do usuario (cookies de seguimento). Podes decidir por ti mesmo se queres permitir cookies ou non. Ten presente que se os rexeitas, é posíbel que non poida utilizar todas as funcionalidades do sitio.