O Surf Clube de Viana e a Federación Galega de Surf van celebrar o XXVII Luso Galaico – Viana Surf City Festival 2026, unha das probas máis tradicionais do calendario galego-portugués, que se celebrará os días 1 e 2 de agosto na Praia da Arda "Mariana", en Afife, Viana do Castelo.
A competición reunirá deportistas de Galiza e Portugal nas modalidades de surf, bodyboard e longboard, tanto en categoría Open como Feminina, reforzando os lazos deportivos entre ambas comunidades e consolidando este evento como unha cita de referencia no noroeste peninsular.
O evento conta co apoio de entidades como Viana Desporto, a Federação Portuguesa de Surf, o IPDJ – Instituto Português do Desporto e Juventude, a Fundação do Desporto, a Xunta de Galicia e a World Surf Cities Network.
Os interesados poden formalizar a súa inscrición a través da plataforma LiveHeats e prepararse para unha fin de semana de competición e convivencia entre a comunidade surfista galega e portuguesa, nun escenario privilexiado como é a costa de Viana do Castelo.
