Segundo informa Kike Aradas no seu blog a Casa do Concello de Carballo acolleu onte a presentación do campionato internacional de surf Quiksilver King of the Groms. Ao acto acudiron o alcalde, Evencio Ferrero; o concelleiro de Deportes, Marcos Trigo, e o responsable de Raz Surfcamp, Alejandro Vázquez. Este evento, patrocinado ademais pola Federación Galega, terá lugar este fin de semana na praia de Razo e está dirixido a surfeiros menores de 16 en categoría masculina.
Carballo, un dos referentes de campionatos de surf de alta calidade, acollerá unha das dúas probas clasificatorias no ámbito nacional. O segundo torneo terá lugar en Somo (Cantabria) o 18 e o 19 de xullo.
Mañá dara comezo o Kings of the groms na praia de Razo, o parte non é moi bo, o domingo sera o dia coas mellores ondas.O "Quiksilver King of the Groms" é un circuíto clasificatorio para a final Europea Sub 16 que se celebrará en Zarauz, e a gran final Mundial Sub 16 que se celebrará en Hossegor, Francia, en setembro. Este circuíto consta de 2 probas a nivel estatal.
Fonte orixinal: http://kikearadas.blogspot.com/2009/07/kings-of-groms.html
Web do evento: http://www.kotg.es/
