A praia do Orzán da Coruña acollerá o Campionato de España de Surf Open en outubro no "A Coruña King and Queen of the Bay". O evento durará tres días e celebrarase a primeira ou terceira fin de semana de outubro, é dicir, o 4, 5, 6 ou o 18, 19 ou 20, dependendo das condicións do mar, segundo detalla a organización.
O campiontato "A Coruña King and Queen of the Bay" dará ademais o Trofeo Tito Fariña á mellor onda, co nome do histórico surfeiro galego que conta cunha placa na Fonte dos Surfeiros da Coruña.
Ademais, durante a fin de semana no que se celebre a cita haberá música e gastronomía, surfing nocturno e outras moitas actividades, entre elas, unha clase de surf adaptado, charlas, unha rampla de skate con actividades e merchandising dispoñible.
O evento está organizado pola Federación Galega de Surf, o Concello da Coruña e a Federación Española de Surf.
