Xa está en marcha a 39ª edición do ABANCA Pantín Classic Galicia Pro, o evento de surf máis importante de España, que volve reunir na costa galega a algúns dos mellores surfistas do mundo.
A primeira xornada deixou tamén un dos momentos máis especiais do campionato coa proba de surf adaptado, que reúne máis de 30 deportistas con discapacidade chegados de diferentes puntos do mundo.
Superación, entusiasmo, esforzo e paixón polo mar. Historias de deportistas que desafían os seus propios límites entre ondas, salitre e moita emoción.
O Pantín Classic volve demostrar que o surf é moito máis ca unha competición.
