Durante todo o mes de Febreiro xa nos podedes enviar as vosas mellores fotos do ano pasado e participar no 1º Concurso de Fotografía Surfeira de Galicia convocado por SurfGz.com e coa colaboración de Surfmarket.org e The Surfeiros Piratas e mailo apoio da FGSurf.org. Este concurso está limitado a 30 participantes e conta coas seguintes categorías e premios:
- Categoría "Mellor Foto Surf" premiada con 100€ cheque regalo Surfmarket + sudadeira TSP.
- Categoría "Mellor Foto Onda XXL" premiada con 90€ cheque regalo Surfmarket + sudadeira TSP.
- Categoría "Mellor Foto Bodyboard" premiada con 75€ cheque regalo Surfmarket + sudadeira TSP.
- Categoría "Mellor Foto Foto Longboard" premiada con 75€ cheque regalo Surfmarket + sudadeira TSP.
- Categoría "Mellor Foto Onda Solitaria" premiada con 60€ cheque regalo Surfmarket + sudadeira TSP.
O prazo de recepción de fotos xa está aberto e podedes enviar os vosos traballos durante todo o mes. O número de fotógrafos está limitado a 30 participantes e será por orde de inscripción. Pra participar tedes que enviar as vosas fotos con alta calidade por email a "info(arroba)surfgz.com". Non é obrigatorio participar en todas as categorías. No email enviade o voso nome e un número de teléfono de contacto.
Importante: podedes enviar 1 foto por categoría e sen marcas de auga.
O xurado do concurso está composto por importantes e destacados personaxes da cultura surfera:
- Pablo Martínez, fotográfo de surf profesional.
- Fine, webmaster e fundador de Costasurf.com
- José Pellón, músico, escritor e surfeiro e fundador de Surflandia.es
- Helga Álvarez, manager de Surfmarket.org
Haberá un sorteo dunha sudadeira TSP entre todos os que compartades o "Album de Fotos" que publicaremos o día 1 de Marzo e deixedes un comentario. Durante todo o mes de Marzo o xurado valorará os traballos recibidos e o día 1 de Abril publicaremos o nome dos gañadores.
Estades invitados a participar!
{fcomments}