O noso terceiro test de material deste ano vai analizar a nova parafina ecolóxica de Green Fix, unha parafina de gama alta 100% natural e orgánica. Esta parafa xa foi probada en diferentes partes do planeta con moi bos resultados. Nós imos facer un test dobre probando a parafa en auga das Canarias e Galiza ao mesmo tempo. Logo publicaremos un artigo con comentarios sobre este novo producto que pode axudar a manter limpas as nosas praias.
O seu proceso de elaboración é bastante artesanal. Faise en pequenos lotes con moitos controis de calidade. A súa calidade e compromiso co medio ambiente fixéronlle valedora do premio EuroSima 2009 ao mellor proxecto de innovación ecolóxica.
Proceso de fabricación de GreenFix
Esta parafina está fabricada en Francia e non precisan de gastar enerxía en transporte dende outras partes do planeta. Este ano a fabricación de esta parafina ecolóxica evitou a difusión de 2,5 toneladas de CO2 (por comparación con parafinas importadas de California ou China).
O proceso é bastante artesanal
As fórmulas naturais utilizadas para crear Green Fix fan que a cera non se derrita pois a fórmula para auga fría se derrite a 60 graos. Isto supón unha evolución con respecto ás anteriores marcas de parafina ecolóxicas, que tenden a derretirse a temperaturas relativamente baixas. Isto é algo que a nosa roupa e tapicería do coche agradecerán sen dúbida.
Green Fix é unha empresa con moita conciencia e destina o 1% dos seus beneficios "for the planet" e colabora coa Surfrider Foundation.
Green Fix ten 5 fórmulas diferentes:
- Parafina Base
- Extra Cold
- Cold
- Cool/Warm
- Tropical
Anímate a probar esta nova parafa e axuda a manter limpas as nosas praias!.
Nestes intres buscan un distribudor para o Estado Español e que a partir de febreiro 2011 vai ser distribuida nas Illas Canarias.
Máis info en: