O vindeiro día 6 de maio podedes asistir á inauguración da nova mostra de José Ángel Niño, coñecido no mundo da fotografía de surf como ANIKUNI, un reputado fotógrafo amateur que ten realizado diferentes exposicións fotográficas.
Con Xinetes do mar aproxima ao Océano Surf Museo unha mostra de 40 fotografías e un vídeo monográfico no que se inmortalizan uns instantes da vida, un xiro nas ondas duns homes e mulleres que aman a auga salgada e as súas rompentes.
Xunto á súa obra o Océano Surf Museo abre o seu almacén para poñer en valor e aproximar á comunidade dúas pezas senlleiras que nos levarán até Hawaii e Australia, sublimando a cultura oceánica e o poder de comunicación dos mares e océanos que nos unen.
