Documental - Casón 1987

O 3 de decembro de 1987, o Casón, un cargueiro panameño que transportaba produtos químicos desde Holanda a Xangai, sofre, á altura da costa de Finisterre, un corremento da carga que o obriga a pedir auxilio ás autoridades galegas. Os servizos de rescate que acoden ao encontro do buque, volven a terra cos cadáveres de 23 mariñeiros.

A incerteza sobre o contido da carga do barco, sumado aos rumores de que podería tratarse de produtos tóxicos provocan gran alarma entre as poboacións próximas ao Casón. A crise evoluciona coa explosión da carga do barco, as evacuacións espontáneas da poboación ante o temor dunha nube tóxica, e as ordes contraditorias das autoridades que se desdixeron do posible perigo de contaminación ambiental na zona.

A crise do Casón non quedaría só nas costas de Finisterre: o transporte dos bidóns recuperados do Casón á factoría de Alúmina Aluminio en Lugo para o seu posterior traslado por barco a Holanda, provocou protestas dos veciños ao paso do convoi e conflitos laborais na planta lucense.

Nova relacionada:

http://praza.gal/movementos-sociais/15580/30-anos-do-cason-e-dos-bidons-que-pasearon-media-galicia/



Artigos recentes:

Usamos cookies

Usamos cookies no noso sitio web. Algúns deles son esenciais para o funcionamento do sitio, mentres que outros axúdannos a melloralo canda a experiencia do usuario (cookies de seguimento). Podes decidir por ti mesmo se queres permitir cookies ou non. Ten presente que se os rexeitas, é posíbel que non poida utilizar todas as funcionalidades do sitio.