Entrevista de Surfing.es con Extixu Extremo, surfeira de Euskadi afincada na costa da Mariña e unha das pioneiras do surf feminino en Europa. Naceu en Irún (Gipúzkoa) no ano 1976 e omezou a surfear aos 14 anos na praia de Hendaia en Francia. Creceu e formouse como surfeira nas praias da costa vasco-francesa. Aos dous anos de estar surfeando empezou a competir a nivel autonómico, nacional, europeo e mundial, conseguindo o primeiro gran título europeo de surf absoluto en 1997-1999 en Irlanda. Desde entón dedicouse ao surfing profesional. Foi deportista de elite e membro da selección española de surf desde o 2000 e unha das mellores surfeiras deste país, e todo iso sen deixar de lado os estudos, o que a levaron a instalarse en terras galegas.
É licenciada en Educación física e fisioterapeuta. Foi imaxe de grandes marcas do sector como RipCurl, Reef, Pukas, etc e actualmente é a imaxe publicitaria de VANS e a deputación de Gipúzkoa. Impartiu clases de surf en escolas de renome do panorama nacional desde o ano 1994. Entre os seus mellores resultados destacan:
Palmarés de Estitxu Estremo
- Campiona de Europa Absoluta de Longboard ASP 2010 (Asturias)
- Campiona de Europa absoluta de Surf 1997-1999, Bundoran (Irlanda)
- Máis de 5 anos entre as 3 mellores de Europa ASP en dúas modalidades, surf e longboard!
- 17ª Campionato do mundo de Longboard ASP 2010 ( Biarritz, Francia)
- 1ª na proba do Circuito Mundial WLT 1* de Longboard 2010 e 2007 (Tapia de Casariego, Asturias)
- 9ª do mundo no Campionato do Mundo ISA de surf en Durban, Sudáfrica 2002
- Membro da Selección Nacional Absoluta de Surf desde o ano 2000-2005
- Deportista de elite na modalidade de Surf desde o ano 2000
- 13ª do mundo en Campionato do Mundo ISA absoluto de surf 2008 ( Caparica, Portugal)
