O día 23 de decembro ás 11:00 estades todos convidados a participar no acontecemento surfeiro máis importante destas datas, os papa noeles surfeiros de Patos. Xa van cinco anos consecutivos desde que o Clube Patos en colaboración coa Escola Galega de Surf de Nigrán, a FGS, Alder, Slash, Globe, Waira e Novalbos recibe o nadal entrando á auga a surfear vestidos de papa noel.
E nada mellor que celebralo cuns doces do Nadal e o famoso chocolate quente despois do baño. Os alumnos da escola disporán de todo o material necesario así como supervisión dos técnicos dos Patos Surf Club. Todo o mundo que queira participar recibirá un gorro de papa noel na escola de surf.
Queremos que sexa un gran acontecemento polo que canta mais xente mellor. Non vos perdades as fotos en Facebook. Só tedes que facervos amigos de Patos Surf Escola para poder ver e descargar as fotos e vídeos do acontecemento deste nadal.
Artigo orixinal: http://patosurfclub.blogspot.com/2009/12/papa-noeles-surferos-de-patos-2009.html
