Despois das denuncias feitas dende a nosa web sobre a celebración do Pantín Classic e a súa organización chega outra polémica celebración dun evento ASP Surf Rías Baixas Pro na praia da Lanzada a cargo do diñeiro público e pagado pola Deputación de Pontevedra, un gasto que pode rondar os 60.000-70.0000€ pra facer un evento organizado por un clube-empresa da provincia da Coruña.
Supoñemos que moita xente pensará que é unha boa nova para o surf galego pero nós pensamos que este tipo de eventos elitistas non aporta e soamente queren aproveitar a imaxe sana do surf como reclamo turístico e publicitario.
Desta vez a Federación Galega de Surf vai colaborar no evento e repartir as wildcards, algo que pensamos que foi decidido nos despachos pra non crear novas polémicas dándolles as invitacións a amigos nin familiares, tamén a Deputación e maila "organización non identificada" fixeron un fondo pra costear o 50% das inscripcións do riders galegos e limpar a súa imaxe ante posibles denuncias.
Hai tres semanas enviamos un email á Deputación de Pontevedra con varias preguntas e todavía non recibimos resposta...
Os únicos que responderon foron a xente de ASP Europe e confirmaron que os organizadores do evento son Marcos Rodríguez e Miguel Galeiras. Agora resulta que o Club Praia de Pantín organiza eventos de surf na provincia de Pontevedra xa que a Lanzada pertence á comarca de Ferrolterra.
Aquí podedes ver a lista de participantes confirmados ata este momento na web de ASP Europe e soamente hai 59 riders confirmados.
Gustarianos saber onde están as axudas ás escolas e clubes de surf de Pontevedra por parte da Deputación e da Xunta? Quén organiza realmente este evento e canto diñeiro recibe? Realmente estamos tan aborregados que certas persoas poden manexar o diñeiro de todos sen ter que responder ás preguntas dos medios de comunicación?
E pra rematar outra pregunta interesante, acaso é traballo da Deputación montar eventos de surf e patrocinar voltas ciclistas namentres a sociedade está a pasar polos piores momentos dos últimos anos?
Tedes + info do evento na web da Federación Galega de Surf:
Info na web da ASP:
Lista de participantes:
http://www.pro-surfing.com/alhunt/files/2013evt144.pdf