O ferrolán Pablo Romero "Occy" destacou entre os preto de 70 participantes que tomaron parte na competición e alzouse co triunfo na categoría reina, o Surf Open Masculino. Por detrás clasificáronse Jaji Iglesias, Santi Díaz e Rafa Dopico; na categoría feminina a vencedora foi Erica Franco, que superou na manga final a Siri Apple, Cristina Fornos e Guimar Digon.
No medio dunha gran expectación e sobre un mar máis propicio para o espectáculo que na primeira xornada, decidiuse na praia ribadense de Os Castros a terceira proba do circuíto galego de surf e longboard, organizada pola Deputación de Lugo e o clube local Hola Ola!
Nunha apretadísima final de Longueirón, Antonio Varela fíxose coa vitoria por diante de Luís Rodríguez. Destacou a esplendida organización do evento con comida, boa música, sorteos e premios por parte do clube Hola Ola!