Desde o Bergantiños Surf Clube queremos agradecer a todo o público, competidores, patrocinadores, membros da organización e medios de comunicación a súa colaboración con este evento e en particular a promoción do deporte do Patín cada vez máis popular entre os mozos.
O evento comezou coa celebración dos xogos de patín na que tomaron parte novos e adultos. Houbo unha asistencia aproximada de 120 persoas. Realizaron diferentes niveis de slalom, táboa de equilibrios e variant entre outros xogos.
A continuación tivo lugar o evento principal que se celebrou por invitación (inscricións pechadas) e para a que foron seleccionados 6 patinadores locais (Carballo) polo monitor de tempo libre e surfer Martín Varela.
As modalidades disputadas foron Patín Clásico, patín en trampolín e patín en rama.
Recibiron premios en material e trofeo o tres primeiros clasificados en cada unha das categorías.
- Categoría: Patín Clásico e mellor truco (best trick)
1º Adrián Vilanova Taibo (15 anos)
2º Pablo Suárez Lois ( 12 anos)
3º Eloy Figueiras González ( 15 anos)
- Categoría: Patín en trampolín
1º Pablo Suárez Lois ( 12 anos)
2º Carlos Villarín Fraga (16 anos)
3º Sergio Cebey Lamas (17 anos)
- Categoría: Patín en Rampa
1º Carlos Villarín Fraga (16 anos)
2º Adrián Vilanova Taibo (15 anos)
3º Sergio Cebey Lamas ( 17 anos)
Trofeo especial á mellor promesa: Pablo Suárez Lois (12 anos).
O patín é un deporte seguro, sobre todo cando se practica nos lugares adecuados como parques e con supervisión. A rúa é o sítio máis perigoso para practicalo. O skate park é algo que os patinadores carballeses están a demandar desde hai moitos anos. Os patinadores que participaron no evento quixeron dar exemplo aos máis pequenos utilizando todo tipo de proteccións.
Texto da nova:
Miguel Navaza
Bergantiños Surf Clube