Comezamos a semana cunha boa nova para os riders da Mariña que xa poden ver en directo o estado do mar en Oliñas e aforrar algo de diñeiro en desprazamentos co coche ata este areal da costa norte de Lugo. Esta nova surfcam está dispoñíbel grazas ao traballo do equipo de Camaramar.com
A imaxe deste artigo foi tomada onte ás 13:15 horas e podedes apreciar o mar desfasado do Domingo. Camaramar.com é unha web que leva funcionando un par de anos grazas ao traballo dun excelente equipo formado por Manuel del Río (Corrubedo), Roberto López (Ferrol) e Miguel Iglesias (Donosti).